Гісторыя
"Стары Ольса" – гурт сярэднявечнай
беларускай музыкі, існуе з 1999 г., стваральнік і
кіраўнік – Зміцер Сасноўскі. Склад – 6 чал. Назва
– ад ручая ў заходняй Магілёўшчыне.
У рэпертуары – беларускія народныя балады і ваярскія песні,
творы беларускіх кампазітараў эпохі Рэнесанса, кампазіцыі
з беларускіх зборнікаў прыдворнай музыкі ("Полацкі сшытак",
"Віленскі сшытак"), беларускія канты 16 - пачатку 17
стагоддзяў, а таксама еўрапейскія папулярныя мелодыі
эпохі Сярэднявечча і Рэнесанса. Гурт супрацоўнічае з
рыцарскімі клубамі, музеямі, даследчыцкімі цэнтрамі,
майстрамі старадаўніх інструментаў, з гуртамі старадаўняй
музыкі і асобнымі выканаўцамі на старых інструментах.
Музыка гурта дазваляе аднавіць гучанне многіх забытых
інструментаў. Для выканання выкарыстоўваюцца максімальна
магчымыя копіі (па выгляду, тэхналогіі і сыравіне)
даўніх беларускіх інструментаў - дуды (валынкі), ліры,
гусляў, свірэлі, варгана, акарыны, сурмы, берасцяной
трубы, гудка, барабана.
Мэта – найбольш поўная (па-магчымасці) рэканструкцыя
музычных традыцый Вялікага княства Літоўскага, асноўнай
культурнай і геапалітычнай часткай якога ў 13-18 стагоддзях
была Беларусь. У Вялікім княстве Літоўскім быў створаны
ўнікальны сінтэз беларускай народнай і прыдворнай музыкі
з еўрапейскімі музычнымі дасягненнямі. Дзеля адраджэння
гэтай культурнай асаблівасці ўдзельнікі гурта спалучаюць
гучанне старажытных беларускіх інструментаў і
агульнаеўрапейскіх сярэднявечных інструментаў – лютняў,
рэбека, флейтаў.
Акрамя ўласных тэатралізаваных канцэртаў, гурт выступае на
фестывалях сярэднявечнай культуры, рыцарскіх турнірах і
фальклорных фестывалях.
Запісаны 7 альбомаў і 1 музычны праект. Музыка гурта ўвайшла
ў 7 зборнікаў выканаўцаў старадаўніх мелодый.
З 2003 года распачаў працу і танцавальны склад гурта
(тэатр "Яварына" - старонка "Тэатр Яварына"),
які пад час выступаў знаёміць гледачоў са старадаўнімі
танцавальнымі традыцыямі.
Склад
 |
Зміцер Сасноўскі
дуды,
гуслі,
вакал.
|
 |
Марыя Шарый
флейты,
дудачкі,
шалмеі.
|
 |
Ілля Кубліцкі
лютні,
цыстры,
колавая ліра.
|
 |
Алесь Чумакоў
гуслі,
рэбек,
цыстра,
шалмеі,
колавая ліра,
вакал.
|
 |
Андрэй Апановіч
барабаны,
перкусія,
дуда,
дудачка.
|
 |
Сяргей Тапчэўскі
барабаны,
перкусія.
|
Дзякуй тым, хто граў з намі:
Творчая біяграфія
2007,
2006,
2005,
2004,
2003,
2002,
2001,
2000,
1999
2007 год
- Гастролі па Беларусі:
Менск, Віцебск, Гомель, Гародня, Берасце, Полацк, Ліда і Маладзечна.
Замежныя канцэрты:
Кіеў і Камянец-Падольскі (Украіна),
Пскоў (Расія),
Кернаве, Вільня і Купішкіс (Літва),
Варшава, Бычына, Біскупін, Вігры, Скерневіцы, Іўжа і Слупск (Польшча).
