Сурма

Сурма - старажытная драўляная труба, духавы мундштучны інструмент. Першыя выявы на Беларусі сустракаюцца ўжо з ХІІІ ст. Існавалі роўныя сурмы, а таксама загнутыя, якія часам абцягваліся бяростай. Сурму выкарыстоўвалі галоўным чынам як вайсковы сігнальны інструмент. У "Слове пра паход  Ігаравы"  ХІІ ст. пра жыццё сапраўднага ваяра сказана, што ён народжаны пад вайсковымі трубамі: "под трубами повиты, под шлемами взлелеяны, с копья вскормлены". "Слова пра паход Ігаравы" згадвае таксама “трубы гарадзенскія”, магчыма, маючы на ўвазе Гродна. Як культавы інструмент трубы шматразова згадваюцца ў рэлігійнай літаратуры з ХІ ст.

 

 

 

 

Больш цікавостак і гістарычных фактаў пра сурмы глядзіце ў дакументальным фільме Змітра Сасноўскага "Старыя інструменты Беларусі" (сурма 51:29). Фільм на беларускай мове з рускімі субтытрамі. Каб уключыць субтытры, націсніце на адпаведны значок на відэа.