Песня распавядае пра ўнікальную падзею ў гісторыі Вялікага Княства Літоўскага, што адбылася ў 1336 годзе – гераічную абарону замка Пулен, важнага апорнага пункта Жамойці на мяжы з Прусіяй, супраць Тэўтонскага ордэна. Жыхары і абаронцы замка палічылі за лепшае загінуць і страціць усё, чым патрапіць у палон, жыць рабамі і аддаць сваіх дзяцей на выхаванне крыжакам.
Падзеі апісаны ў “Новай прускай хроніцы” Віганда Марбургскага, нямецкага храніста і герольда Тэўтонскага ордэна. Арыгінальны нямецкі тэкст не захаваўся. Праца Віганда вядомая па лацінскім перакладзе 1464 г. польскага храніста і гісторыка Яна Длугаша.
Назва замка ў розных крыніцах мае розныя назвы: Pilenai, Pillenen, Punia.
Словы Змітра Сасноўскага, музыка - Стары Ольса.