Альбом Medieval Classic Rock даступны на лічбавых пляцоўках

Альбом Medieval Classic Rock даступны на лічбавых пляцоўках

Medieval Classic Rock, альбом кавер-версій на класічныя рок-песні даступны на сусветных лічбавых пляцоўках.

Гурт "Стары Ольса" доўга і аддана служыць гістарычнай музыцы і вывучэнню традыцый, зрабіў шмат даследванняў і пошукаў. На рахунку гурта 10 студыйных альбомаў, 3 канцэртных і 1 аўдыёспектакль. І вось у 2014 годзе прапанова аднаго з тэлешоў выканаць баладу "One" Metallica. Потым 2 мільёны праглядаў у YouTube. Новыя прапановы і новыя версіі. Лісты з усяго свету з просьбамі выканаць на старых інструментах іншыя легенды рока. Выбар твораў праз галасаванне ў інтэрнэце. Збор сродкаў на запіс і выданне альбома з дапамогай краўдфандынгу і прэзентацыя ў Сан-Францыска. 

"Medieval Classic Rock" – гэта ўнікальнае гучанне сусветна вядомых твораў, сярэднявечны дух класічных мелодый рока.

"Medieval Classic Rock" - гэта новае жыццё старых мелодый, пераствораных на незвычайных інструментах, што няўмольна прыводзіць да ўзнікнення новых эмоцый і новай "старой" энергетыкі.


Альбом даступны ў YouTube Music, iTunes, Apple Music, Google Play, Spotify, Amazon, Deezer, Bandcamp, VK, SoundCloud

Highway to Hell – AC/DC

Another Brick in the Wall, Pt. 2 – Pink Floyd

Californication – Red Hot Chili Peppers

A Hard Day’s Night – The Beatles

One – Metallica

Child in Time – Deep Purple

Ob-La-Di, Ob-La-Da (instrumental) – The Beatles

Iron Man – Black Sabbath

Ai Vis Lo Lop / Smells Like Teen Spirit (instrumental) – Trad. / Nirvana


Падзялiцца: