Перкусія

Званочак — ударны музычны інструмент з вызначанай вышынёй гучання. Інструмент валодае светлым звонкім тэмбрам у дынамічным адценні піана і бліскучым, яркім — у фортэ.

Бразготкі  — агульная назва многіх самагучальных інструментаў. Талерачкі— набор маленькіх металічных талерачак, нанізаных на драўляную ручку ў некалькі шэрагаў. Шархуны — невялікія металічныя званочкі. Уяўляюць сабой полыя металічныя шарыкі з проразямі па баках і вушкам у верхняй частцы і маленькім суцэльным шарыкам (некалькімі шарыкамі) унутры. Фіксуюцца на драўлянай ручцы. Пазвоньваюць пры патрэсванні.

Талеркі — ударна-перкусійны інструмент з нявызначанай вышынёй гучання. Вядомыя з даўніх часоў, сустракаліся ў Арменіі (VII ст. да н. э.), Кітаі, Індыі, пазней у Грэцыі і Турцыі. Паводле іканаграфічных крыніцаў, вядомыя на Беларусі з ХVІ ст.

Кломпы — традыцыйныя галандскія драўляныя башмакі. Звычайна выкарыстоўваліся ў якасці ахоўнага абутку. Гурт "Стары Ольса" выкарыстоўвае ў якасці ўдарнага рытмічнага музычнага інструмента. Кломпы даюць сухі, звонкі і дакладны гук.

Гонг — ударна-перкусійны інструмент у выглядзе плоскай мядзянай ці бронзавай пласціны, падвешанай за 1 ці 2 пятлі, па якой білі калатушкай ці рукой. Паводле іканаграфічных крыніцаў, вядомы на Беларусі з ХVІ ст.